✓HISTORIA BETANO
Betano nudar suku ida husi postu administrativu Same, munisipiu Manufahi "Betano is a village in southwest of Manufahi District and on the south coast of East Timor"
Liafuan Betano ezisti husi kombinasaun liafuan rua "Be" no "Tano". Be katak be'e ho lian Tetum Terik we'e, Tano nudar naran husi asu ida ne'ebe mai ho nia istoria uniku tebes.
Iha tempu neba bailoro naruk no laiha be'e atu bele uza hodi sustenta povu nia moris loron-loron. Povu nia moris mizeri tebes, meius no solusaun ba'a sira laiha. Esperansa ba'a moris naruk laiha ona tamba laaguenta ho moris susar ne'ebe sira infrenta.
Ho kondisaun difisil hanesan ne'e, loron manas, asu Tano fila mai uma ho ain bokon. Asu nain hakfodak tamba hare asu nia ain bokon, nia hanoin: "asu ne'e hamrok buka be'e no ke'e ho nia liman rasik, tamba nemak agora dadauk nia ain bokon". Depois asu ne'e sai matadalan ba'a asu nain ho ahuk desan mak tara iha asu ninia kakorok nebe monu tutuir dalan, ikus mai asu nain hetan dunik be'e refere. Nune ema hotu iha tempu neba bele aguenta sira nia moris ho be'e ne'ebe mak asu Tano deskobre.
Atu konserva no relembra istoria ne'e, naran Be'e ho asu Tano hanaran fila fali ba'a rai ne'e ho naran BETANO. Be'e ne'e agora dadauk ninia lokalizasaun iha mota Kelan-ain nia sorin hanesan google map link MAPAWETANO.
Too ba nee deit, karik maluk ruma hatene diak liu kona ba istoria ne'e, bele rekomenda.
Ida nemak istoria badak ho ninia Inspirasaun.
HISTORIA SELUKTAN bele haree ho klik iha link tuir mai;
0 comentários:
Posting Komentar