Aibubur Bele Kura Moras Apendise no Mi-Fatuk ~ Timor white gum tree (Eucalyptus Alba)

Aibubur ~ Eucalyptus Alba

Aibubur kategoria nudar aihoris tropikal iha Azia, primeiru deskritu husi Carl Ludwig Blume iha tinan 1826 depois deskobertu husi Caspar Georg Carl Reinwardt iha Timor.

Karakteristika ai ida ne'e, ninia hun ho sanak sira ko'or mutin, ninia tahan ko'or matak-malahuk. Ninia a'as bele too metru 15. Tempu funan iha fulan agustu to novemru.

Baibain ita uza hodi tein, halo lutu k uma no seluk tan. Alein husi ida ne'e afinal ai ida nemos iha ninia diak hodi kura moras hanesan Apendise no Mi~Fatuk.

Mi~Fatuk akontese tamba akumulasaun kalsium nebe barak liu iha ita nia isin lolon labele soe sai husi urine/mi entaun hamutuk to sai fatuk iha kanal urine. Bainhira moras nee la~hetan kura ho lalais, sei afeta oin~lulik bubu, mii ran, estraga no hamosu malfunsaun iha rins. Se mosu ona problema iha rins maka sei habadak ita nia moris iha mondu. Prevensaun ba moras ida ne'e provizorimente tenser redus ou hapara konsumu hahan ne'ebe iha kontaminasaun a'as kalsium, kafe, sigaru, tua, masin, hahan nebe a'as protein hanesan nan nsst. Hahan ne'ebe ita presiza konsumu vitamina B6 no Magnesium, Aifuan no modo tahan. Halao rutinidade zimnastika no deskansa barak.

Apendise mak moras kabun talin tuk nebe hanesan bolsu ki'ik no mihis ho medidas 5-10 cm ligadu ho kabun-laran boot. Bainhira infeksaun ou  bubu bele sai komplikasaun ida seriu tebes.

Simtome fiziku nebe mosu hahu husi kabun moras, depois muda a'an tun baa kabun okos sorin lo'os nebe apendise hola parte nune amenta moras pior liu tan. Sintoma seluk husi kabun moras hanesan laiha bontade han, kabun sorin los bubu, difisil hasai gas iha kabun laran, laran a'at no muta, isin manas, diareia no senti moras bainhira soe be'e (sintina besik).

Bainhira simtome sirak ne'e akontese; foti aibubur nia kulit hanesan ho ita nia liman tanen, bubur kulit ne'e nono ho be litru rua to nakali husik durante minutu 10, taes halo mos no rai to temperatura normal, depois hemu dader ho lokraik to'o moras ne'e diak.

Aibubur Tahan

Fila hikas ba'a pajina AIMORUK TIMOR hodi hare konteudu seluk tan.

Ref:

• http://www.plantsofasia.com/index/galereja_4/0-8
• https://en.wikipedia.org/wiki/Eucalyptus_alba
• http://www.alodokter.com/penyakit-usus-buntu/
• http://www.ahlinyaobatherbal.com/cara-mengobati-kencing-batu-dengan-cepat-tanpa-operasi/
• https://www.youtube.com/watch?v=audLm0G69QE