Ai Mimba - Neem Tree "Azadirachta indica A. Juss"

Mimba tahan ho nia fuan - Azadirachta indica A. Juss

Mimba ho lian latina Azadirachta indica A. Juss mak aitahan nebe'e kategoria ba'a aihoris Herbaceous, Hanaran ho liafuan simples herbal. Aihoris ne'e hetan dahuluk iha Hindustania Madhya Pradesh, Índia. Aihoris ne'e moris iha rai-tetuk, tropikus no rai-maran,  ho distansia rai-a'as ou elevasaun  300 m husi  tasi.

Ai ne'e ninia benefisiu bele kura moras laran no liur, hanesan tuir mai ne'e:

Isin moras, Isin katar, Anti bakteria, Kanek oioin "antiseptik", Anti susuk, Nihan moras, Ibun i'is dois "bad breath", fisur/Borbullu"pimple" no Reumatismu

Isin moras tamba impaktu servisu maka'as, deskansa menus, falta jinaziu, hipertensaun nomos ra'an intupidu nebe'e afeta husi kolesterol. Liuliu reumatismu halo ita senti moras tebes, ohin loron ita barak tebes maka konsumu aimoruk feitu ou fabrika hodi hamatek isin moras "painkilling" uza aimoruk anti inflamasi non steroid hanesan ibuprofen, naproxen, diclofenac no seluk tan. Maibe sientista medikus sira halao studu kobre klinika atus rehun ida resin katak moras ruin dolen lahuk "osteoartritis", stroke no fuan ataka tamba konsume aimoruk sirak ne'e bebeik. Hare risku sirak ne'e, ai-mimba nudar solusaun diak ba'a ita hanesan instrusaun tuir mai ne'e.

Iha maneira oin rua, bele hili alternativu ida tuir ita nia hakarak; (1) nono mimba tahan liman isin walu ho be'e litru 3.5, husik nakali to'o  minutu sanulu, kahur ho be'e malirin litru sanulu, be'e morna ne'e uza hodi haris, bainhira haris hotu ona taka kedas manta ou lensor to'o kosar sai. Maneira (2) deut hamutuk mimba tahan liman isin ida ho ailea pedasuk rua, taka ba'a katar ou kaskadu, kanek(sei hadok lalar no hamate ular iha kanek laran) nomos reumatismu.

Ai ne'e efetivu tebes iha anti bakteria, tamba ne'e ai-mimba nebe'e nono ona bele uza hakmumu "mouthwash"  hodi halakaon ibun i'is dois no nehan moras.
Hatutan opsaun segundu, ai mimba tahan nebe deut ona ho kuantidade liman isin rua, tau baa tanki be'e " 1/2 meru kuadradu" bele hamate susuk"larva" nebe moris iha be'e laran.

Ran midar"Diabetes", Kabun moras"Diarea", Sistema sirkulasaun ran"Kardiovaskular", tensaun a'as "hipertensi", Lumbringa"anthelmintika", Kanek iha kabun laran kobre husi mukosa, submukosa, to kabun laran uat "ulkus peptikum", Kontra virus "Antiviral", Isin Manas,  Isin malirin, Malaria, Multivitamina, Anemia, Amenta vontade han, Sintina ran "disentria", Stomag, Kabun bubu, Proteje fuan "Hepatoprotektor".

Moras sira ne'e bele kura ho ai mimba hanesan maneira tuir mai ne'e: 

Nono ai mimba tahan ruanulu no otan ou kulit pedasuk rua ho be'e litru rua, hemu kopu 1/4 (50 ml) dader no kalan. spesial ba'a kabun-bubu nono kahur hamutuk ho ailea pedasuk rua.

Risku hemu ai horis ida ne'e; 
Ba'a labarik, inan isin rua, inan oan nurak, moras auto-imun, infertilidade, orgaun transplantasaun, bele amenta sofre moras. Ba'a labarik sira bele impaktu oin halai, muta, diareia, dukur, dezmaia, no disturba hanoin. Liu-liu moras diabetes presiza konsulta iha dotor hodi hatene kontaminasaun masmidar "glucose" iha ita ra'an, tamba konsumu ai mimba bele hamenus ran midar tun liu husi normal. Hapara hemu ai mimba durante semana rua bainhira ita atu halao operasaun ba'a moras ruma iha ita nia isin.

================================================

Fila hikas ba'a pajina AIMORUK TIMOR hodi hare konteudu seluk tan.

reff:

• http://www.memobee.com/obat-anti-inflamasi-non-steroid-beresiko-menyebabkan-stroke-1335-news.html
• http://kb.123sehat.com/herbal/nimba/
• https://id.wikipedia.org/wiki/Mimba
• https://www.deherba.com/khasiat-mimba-dari-alat-kb-sampai-pengendali-gula-darah.html
• https://books.google.co.id/books?id=KzqoCgAAQBAJ&pg=PA23&lpg=PA23&dq=mimba+dan+rematik&source=bl&ots=wdBqQBV0rs&sig=CqcGC_NgDeZ6bVJGdiG4RLlQ9aA&hl=id&sa=X&ved=0ahUKEwi_xq3cyJTLAhWDBo4KHbmBDxoQ6AEISzAL#v=onepage&q&f=false
• http://berkhasiat.web.id/1774-khasiat-daun-mimba-diabetes/
• http://tipsbangneo.com/2017/11/02/udah-terbukti-cukup-dengan-menggunakan-daun-ajaib-ini-cacar-air-langsung-hilang-tak-berbekas-dan-penyakit-kulit-sembuh-total-dijamin-buat-kamu-terkejut-sama-hasilnya/