KOPERATIVA HAMAHON

Emblema Koperativa Hamahon

Introdusaun
Koperativa Hamahon nudar mahan no matadalan ba grupu servisu ne’ebe agora dadauk eziste iha area Besusu. Koperativa Hamahon lokaliza iha aldeia Uma-ferik, suco Uma-Berloic, postu administrasaun Alas, munisipiu Manufahi. Hari’i iha loron 1 Agostu 2016 husi konkordansia membru fundador, ho nia prinsipiu, estatutu, regulamentu internu no matadalan seluk, sai hanesan fundamentu, dever no obrigasaun ba membru hotu, orgaun konsellu, orgaun ezekutivu no orgaun auditoria, tau iha konsensia hodi kumpri no banati tuir atu minimiza no elimina risku iha jestaun interna koperativa.

Isu importante hari’i koperativa ida ne’e:

  1. Laiha mahan ou matadalan ida ne’ebe mak organizadu atu hare ba povu nia moris iha Besusu,
  2. Rai Besusu potensia bo’ot tebes maibe barak mak sei abandona,
  3. Rai Besusu bokur, be sufisienti, du’ut ka ai horis matak no balada sira ho nia luhan, hanesan oportunidade ba atividade agrikultura,
  4. Laiha fontes transferensia informasaun hodi amenta sira nia skill no esperensia,

Vizaun
Membru koperativa nia nesesidade bazika sufisiente no moris dignu.

 Misaun
Koperativa sei halao misaun tuir mai hodi atinji vizaun ne’ebe iha, hanesan;
  1. Halao formasaun ba'a membru koperativa, hodi amenta sira nia skill, hadiak komportamentu ka lalaok, dedika mentalidade no promove sira nia maneira  hanoin / lojika,
  2. Halao atividade negosiu, kreditu, produsaun agrikultura, peska, enjineria no industria ki’ik,
  3. Habo'ot, hametin no haluan koperativa 'net work' ho membru ka grupu ida-idak ho nia kreatividade dezempennu unidade esforsu,
  4. Tratamentu servicu membru, especifiku liu iha aihan, hatais, hela fatin nomos iha susar no mukit nia laran.

 Objetivu
  1. Halao movimentu social hodi hola parte iha dezenvolvimentu nasional liu husi koperativa,
  2. Haburas karakteristiku solidaridade social, voluntarismu, demokrasia, independente no transparante,
  3. Sai fontes organizadu ba grupu servisu ou komunidade,
  4. Hasae kresimentu ekonomia membru koperativa,
  5. Prepara komunidade atu bele hetan impaktu ekonomia husi projetu tasimane.

KONTEUDU SELUK

0 comentários:

Posting Komentar