AUTOMATIKA KONTROLA NIVEL BE'E IHA TANKI ~ Level Switch Control

Bomba ne'ebe uza elektricidade ho motivu bomba be'e, dala ruma bele difikulta ita wainhira ita presiza be'e iha tempu ahi elektricidade mate. Se ita laiha enerjia seluk hodi substitui, rezerva be'e iha tanki nudar solusaun diak liu hodi anticipa problema ida ne'e. Maibe komfortabel liu maka monta AUTOMATIKA KONTROLA NIVEL BE'E hodi nune'e ita laprsiza tan hamoris no hamate bomba wainhira ence be ba tanki. Liu liu ba'a sira ne'ebe okupadu/servicu barak bele poupa imi nia tempu.

Iha aplikasaun kontrola nivel be'e sistema automatika ho tipu oioin 

balun uza kombinasaun IC 555 timer, IC CD4001, NAND Gate 74F00 QUAD ho komponente seluk tan. Maibe sistema hirak ne'e komplikadu itoan no sei limite iha artikel ida ne'e. Sistema AUTOMATIKA KONTROLA NIVEL BE'E iha artikel ida ne'e simples liu, lakomplikadu. Ita boot mos bele aplika iha ita nia uma. 

Deskrisaun

Diagrama cirkuitu  ida ne'e simples tebes maibe bele kontrola nivel be'e ho efetivu, komfia no eficiensia.
Cirkuitu uza Relay 12 volt, mosfet N chanel, jenerik dioda, lampu/led indikador, fornece potencia ho voltajen 12 Volt, flutuasaun swich nivel altu no baixu, resistor rua (2) no proteksaun be'e matan maran dry protection probe.
Komponente hirak ne'e balun ita ita sei hetan iha sasan elktronika uzadu, flutuasaun switch produs rasik iha uma home made, no seluk seluk bele hola iha loja elektronika ho folin baratu.
Dry Protection probe uza deit fiu rua kompostu husi gate mosfet nian ho  fiu pozitivu depois/kontinuasaun husi flutuasaun swich nivel altu no baixu nian. 

Karakteristika
Cirkuitu ida ne'e kompletu automatika hodi hamoris bomba wainhira nivel be'e tun liu husi nivel baixu no sei hamate fila fali bomba wainhira nivel be'e sae liu husi nivel altu. Aleinde ne'e iha mos protesaun ba'a bomba wainhira be~matan maran atu hapara operasaun totalmente nune'e bele salva bomba labele a'at iha tempu badak nia laran no poupa enerjia.  

Hare'e faze lojika tuir mai:

I. Be'e nakonu 

Wainhira be'e nakonu iha tanki, flutuasaun switch nivel altu no baixu sei deliga korenti ho unidade mA ne'ebe fornece ba'a portaun gate mosfet nian, nune'e relay 12 volt sei desliga ou hamate bomba be'e,

II. Be'e Menus husi nivel altu

Bomba be'e nafatin para/mate no flutuasaun switch nivel altu (SW1)ligadu,

III. Be'e Menus husi nivel baixu

Flutuasaun switch nivel baixu (SW2) ligadu, mosfet (Q1) ativa relay (RL1) hodi hamoris bomba (MT1) no Led indikador (D2) sei lakan hodi fo sinal katak ita nia bomba agora dadaun halao hela servicu. 

IV. Be'e a'as liu husi nivel baixu

Flutuasaun switch nivel baixu (SW2) desliga ona maibe mosfet sei hetan nafain korenti ne'ebe fornece husi relay, tamba ne'e bomba be'e kontinua lao/moris hamutuk ho led indikador,

V.  Be~matan maran

Dry Protection probe (SW3) nia funsaun atu transfere korente mA husi flutuasaun swich nivel altu ou baixu ba'a mosfet ho media be'e ninia konduktividade.  Tamba ne'e wainhira be'e maran, mosfet sei desativa relay hodi hapara total operasaun bomba be'e.

Nota:
Diagrama fiu dezennu iha leten aplika ba'a bomba ho kapacidade 5 Amper mai kraik. Karik atu implementa iha bomba ho operasaun liu husi  5 Amper ou 3 fasa presiza amenta tan kontaktor.

To ba'a ne'e esplikasaun badak, hein katak bele lori beneficiu ba ita hotu. Iha ideas konstrutivu ruma bele haruka mai hw nia enderecu Email.

Artikel seluk tan hare'e iha Pajina Elektricidade & Bomba

Reff:
http://www.circuitstoday.com/water-level-controller