Be nudar nesesidade humanu lorloron nian tamba be mak hun ba moris hotu hotu, ho ida ne'e maneira esforsu hodi responde mos depende ba kondisaun. Balun uza gravitasaun hanesan enerjia potensial hodi transfere be husi fatin as to iha fatin kraik liu, ne'ebe aplika iha irigasaun, be kadoras mak dada husi foho tun to tetuk, bomba hidram no bomba pulsador. Kontrariu ho posisaun be iha fatin kraik presiza bomba hodi transfere ba fatin a'as, atraves tubu (fatin kadoras) ho maneira amenta enerjia para be ka fluidu bele kontinuasaun muda a'an. Maibe dala ruma bomba lahalao nia funsaun ho diak tamba lahasae be ka fluida.
Bainhira mosu problema hanesan ne'e, ita sempre buka solusaun ba fontes simptoma malfunsaun. Enjeralmente malfunsaun bomba lahasae bee tamba laiha presaun supa "suction pressure" , tubu ou kadoras supa nian mamuk laiha be ka fluida, Junta kadoras lametin afeta anin tama ba sistema bomba, distansia lina supa bomba klean liu no lina deskarga a'as liu bomba nia kapasidade, rotasaun kakehe bomba lasuficienti ou lainstala valvula retensaun "check valve" nune be sulin tun to mamuk husi sistema kadoras no bomba.
Se pontu malfunsaun hirak mensiona liuba laexisti, faze primeiru atu bomba bee tenser iska dahuluk ho bee. Bee ninia viskosidade prevene entre bomba ho "kakehe/Impeller" labele iha le'et, ajuda kakehe hisik be iska momentu halo rotasaun no hasai mos anin ne'ebe sei iha kadoras supa nune hodi hamosu vakum. Kontinuasaun vakum amenta presaun supa dada sae bee ne'ebe bomba ba. Meius ida ne'e bele aplika tuir kapasidade bomba masimu supa nian, se posisaun bee klean liu mak bomba sei labomba sae tamba kuantidade bee iska lakonsege satan fluida ne'ebe deskarga.
Tetu didiak ho lojika, espesifikasaun bomba: kapasidade supa 9m, kapasidade dudu hasae bee 27m, hatudu katak bomba nia total kapasidade hiit sae bee "head" 36m. Ho referensia hirak ne'e fo certeza mai ita, bomba refere bele supa bee ho ninia klean liu husi metru 9 (sia) bazeia ba total kapasidade elevasaun. Importante aikiu mak tenser joga. Maneira atu hetan solusaun ida ne'e, iha opsaun 2 (rua). primeiru inventa rasik no segundu hola ekipamentu feitu iha merkadu pois halo instalasaun.
Opsaun primeiru
Hare tuir imajen A hodi hatene nesesidade ekipamentus instalasaun. Bee iska ne'ebe fila hikas baa kadoras supa nian presiza redus diametru entrada 2mm ho furador, atu prevene sirkulasaun permanente bee iska no valor vakum zero. Se kadoras tutun supa nian latau valvu retensaun alias valvu satan bee, instalasaun halo tuir imajen A no presiza hakleuk sae kadoras supa nian atu nune bee iska labele sulin tun ba bee~matan. Parte pozitivu lauza valvu retensaun mak hamenus servisu bomba, tamba forsa mola nian iha valvu retensaun nia laran.
Opsaun segundu
Hare tuir imajen B hodi hatene nesesidade ekipamentus instalasaun. Diferensia itoan ho opsaun primeiru tamba ekipamentus iska bee nian feitu ona, direitamente baa hola iha loza ka merkadu, hein instalasaun deit. Hanesan ita haree iha imajen B, presiza tau valvu retensaun iha kadoras tutun supa nian, selae bee iska sulin fila fali ba bee~matan no sei hatama anin ba sistema bomba no kadoras.
Sistema servisu rua nee iha diferensia itoan deit. Opsaun primeiru, iska bee ladun afeta forsa venturi. Maibe opsaun segundu, tamba kompleta ho ekipamentu iska bee ne'ebe produs husi fabrika, iha ninia forsa venturi no forsa ne'e sei ajuda dada sae mos bee husi bee~matan.
Maneira rua iha leten nudar modifikasaun bomba rotasaun baibain (klasifikasaun deslokamentu) nakfilak baa bomba jet nune bele bomba bee ho ninia klean supa liu kapasidade bomba atual.
Ida nee mak esplikasaun badak, espera bele lori benefisiu, obrigado!
Konteudu seluk tan bele hare'e iha pajina BOMBA
0 comentários:
Posting Komentar