Enerjia Renovavel ~ Renewable Energy

Uza enerjia anin, presiza tau konsiderasaun 
ho fatin nebe'e velosidade  anin maka'as no nunka para.

Hare husi fonte/rekursu disponibilidade enerjia hafahe ba'a parte jeral rua, enerjia non-renovavel (konvensional) no renovavel (non-konvensional). Enerjia non-renovavel refere ba'a enerjia nebe iha loron ida sei hotu no presiza tempu naruk tebes hodi restaura hias. Rekursu enerjia non-renovavel foti husi mundu ho kuantidade nebe'e limite. Enerjia non-renovavel bele lori impaktu negativu ba'a ambiente tamba eziste husi mina fossil,  gas natural (LNG), oli no seluk tan.

Enerjia renovavel nudar enerjia alternativu ba'a loron aban(futuru) tamba  enerjia ne'e nunka hotu. Enerjia renovavel mak enerjia nebe ita bele hetan husi fonte naturais, hanesan loromatan, anin, be'e tasi bele jerada filafali bainhira presiza. Disponivelidade enerjia ne'e abundansia tebes (barak/dubru) no liutan ne'e nudar enerjia mo'os liu iha planeta ida ne'e. Ezemplu; Enerjia nebe ita simu husi loromatan, bele uza hodi jerada/produz eletrisidade. Hanesan mos, enerjia husi anin, geotermal, biomass husi planta/ai-horis, bele hodi kompleta ita nia nesesidade  enerjia loron-loron. 

Vantajen

• Enerjia renovavel disponivel ho kuantidade abundante,

• Nabelun ho natureza tamba emisaun ki'ik liu,

• Hamenus desempregu tamba presiza ema barak nia partisipasaun,

• Ita lapresiza importasaun mina kombustivel,

• Kustu manutensaun no operasaun ki'ik liu kompara prepagu eletrisiade uza LNG 

Desvantajen no Dezafiu

• Enerjia loromatan uza deit iha tempu loron no labele uza iha tempu kalan ou udan,

• Enerjia manas mundu nebe uza hodi produs eletrika bele lori kimika beneno husi rai-okos no bele halo mudansa ba'a ambiente,

• Hidroeletrika nudar enerjia nebe'e mo'os tebes maibe sistema irigasaun gastu orsamentu bo'ot nomos okupa fatin ba'a balada sira. 

• Uza enerjia anin, presiza tau konsiderasaun ho fatin nebe'e velosidade  anin maka'as no nunka para.

Konteudu seluk tan bele hare iha pajina Enerjia

Reff: http://www.conserve-energy-future.com/